月前, 本人到香港仔吳文晃處洗牙。他洗牙之餘, 還要我補了七隻牙, 每隻$300, 再加上洗牙費$400, 已經是$2500, 但當時十分惶恐, 只懂點頭。及後再照x光(收費$100), 說一隻智慧牙蛀了, 沒法補, 要剝, 但由於是下排, 牙腳成勾形, 又近神經線, 難度高, 所以轉介我去一位叫謝紹光的專科醫生去辦。

當時我問, 咁要幾錢呢? 對方話要「幾千蚊」, 三千是幾千, 九千也是幾千, 不禁令我膽戰心驚 ....... 這位醫生還寫了介紹信, 診所的姑娘千叮萬囑, 說一定要看專科, 還要盡快, 剝得差會傷神經線, 咀唇面頰冇晒感覺, 不停流口水云云。上述費用再加藥費, 埋單找數, 是$2900。

由於這裡已花了近三千, 如果找專科剝的話, 加埋分分鐘要付出萬元, 實在太肉痛。於是平平地預約銅鑼灣工聯會, 等了兩個星期有得剝, 醫生看過, 同樣講有前述的風險, 但並無猶豫, 一舉成功, 剝後傷口亦迅速癒合, 收費連藥費只是$1770。

我心有不甘, 上網去查查那個謝紹光的價錢, 卻意外發現他近年牽涉進一單植牙手術失敗的案件被判罪, 但獲緩刑, 而所犯的過失居然是所拍x光片差, 看不清楚下卻照做手術導致失敗。我看完真的呆晒: 吳文晃醫生會完全不知這件案? 他還轉介病人去給謝紹光, 居心叵測!

稍後, 我再打電話給那位謝紹光醫生問價, 他在電話中一味帶我遊花園, 又話剝牙完全唔痛、有專用鎮靜劑、十五分鐘搞掂, 我問係咪起碼幾多錢都講唔到, 佢話照過x光至知, 咁我知問連range都唔講? 佢最後話唔會喺電話度報價。原因何在, 大家自行思考吧!

朋友, 你真決斷, 不找那人醫, 好彩好彩!